अपंग , ज्येष्ठ नागरिक हे देखील समाजाचेच घटक असतात , याचा विसर अनेकांना पडतो . त्यामुळे त्यांच्या अडचणी कधीच केंद्रस्थानी येत नाहीत . अपंग , ज्येष्ठ नागरिकांना दररोजच्या उपनगरीय लोकल प्रवासात येणाऱ्या कष्टप्रद अनुभवांचा कधीही व्यवस्थापनाच्या दृष्टीने विचार केला जात नसल्याचे दुर्दैवाने आढळते . लोकल , बसवाहतुकीचा विचार करताना ही गोष्ट सहज लक्षात येऊ शकते . तीच गत मुंबईच्या उपनगरीय लोकल सेवेवर जाणवत असते . त्याबाबत पाठपुरावा करण्यात येत असला तरी अद्याप काहीही ठोस उपाययोजना झालेली नाही .
प​श्चिम , मध्य आणि हार्बर मार्गावर दररोज ७२ लाखांहून अधिक प्रवासी ये - जा करतात . दर काही मिनिटांनी सुटणाऱ्या लोकल आणि त्यातील खच्चून भरणारी गर्दी यातून अपंग प्रवाशांचे हाल होतात . अपंगांसाठी लोकलमध्ये स्वतंत्र डबे असले तरी त्या डब्यांमध्ये अन्य प्रवासी बिनधास्त प्रवास करतात .
विशेषतः हार्बर मार्गावर अपंग प्रवाशांना हा अनुभव नेहमी...
Read more...

येत असतो . लोकलमध्ये अपंगांसाठी डबा राखीव ठेवण्याचा निर्णय स्तुत्य आहे . मात्र , अपंगांना घर ते स्टेशन गाठण्यापर्यंत अनेक अडचणींना सामोरे जावे लागते . स्टेशनवरही अपंगांना फार काही सुविधा नसतात .
प्लॅटफॉर्म चढणे आणि उतरणे ही प्रचंड कटकटीची गोष्ट ठरते . तिथून लोकलमधील अंपगांसाठी राखीव डबा गाठणेही त्रासदायक ठरते . स्टेशन आणि प्लॅटफॉर्मवरील गर्दीतून माग काढून राखीव डबे गाठणे ही एक प्रचंड कसरत ठरते .