एकमेकांसमोर लोकल येऊ नये म्हणून मोटरमनच्या केबिनमध्ये ' ऑक्सिलरी वॉर्निंग सिस्टीम ' ( एडबल्यूएस) यंत्रणा कार्यान्वित असते. सिग्नल लाल असतानाही संबंधित मोटरमनने लोकल वेगाने चालवल्यास ही टक्करविरोधी यंत्रणा आपसूक कार्यान्वित होते आणि लोकल हळूहळू थांबते. मात्र, विरार लोकलला पिवळा सिग्नल देण्यात आल्याने ही यंत्रणा सुरू झाली नसल्याचे समोर आले आहे.
दोन लोकल एकमेकांसमोर धडकणे ही बाब अतिशय गंभीर आहे. त्यात नेमके काय झाले आणि नेमक दोष शोधणे आवश्यक आहे. अशा घटना पुन्हा होऊ नयेत यासाठी काळजी घेण्यात येईल, असे रेल्वे बोर्डाचे अध्यक्ष विनय मित्तल यांनी ' मटा ' शी बोलताना सांगितले.