Kuchesar Road Chaupla railway station pe na toh baithne ki vyavastha hai, na hi prakaash ki. Platform neecha hone ki wajah se yaatriyon ko train mein chadne aur utarne mein dikkat hoti hai. Aaspaas ke gaon ke log saikadon ki sankhya mein yaha se safar karte hain, par yaha up down...
more...

mein sirf chaar trains ka hi stop hai. Yaatri anek baar other trains ke thaharav ki maang kar chuke hain, lekin koi sunwai nahi ho rahi. Pichhle saptaah jila mukhyaalay par aayojit udhyog vyapar bandhuon ki baithak mein bhi is mudde ko rakha gaya tha. Kuchesar Road Chaupla station se Rasoolpur, Upaida, Rampura, Shakarpur, Dayanagar, Mohammadpur Azampur, Kaniya Kalyanpur, Mubarakpur Salamatpur, Nali Husainpur, Bankhanda, aur Aurangabad Mahmoodpur sahit anya kai gaon ke liye rojana Delhi aur Muradabad kaamkaaj aur naukri karne train se jaate hain. Lekin station par sirf do passenger trains ka hi thaharav hone se yaatriyon ko mushkilo ka samna karna padta hai. Station par subah ke samay Muradabad aur Delhi ke ek ek passenger train ka thaharav hai aur raatri mein bhi unhi trains ka thaharav diya gaya hai. Daily yaatri anek baar station par satyagrah, intercity, rajyarani, avadh asam express anya trains ke thaharav ki maang utha chuke hain, lekin abhi tak kisi bhi anya train ka thaharav station par nahi mil saka hai. Train ka thaharav diya jaaye toh aaspaas ke gramiyon ko apne gantव्य तक jane ke liye pareshani nahi uthani padegi aur railway ki aay mein bhi badhotri hogi. Iske saath hi station parisar mein suvidhaon ke abhav mein yaatriyon ko har din pareshan hona padta hai. Station par pratikshalay, vishramaalay ki suvidha ki baat toh kaun kare, ye