കോഴിക്കോട്:  ഷൊര്‍ണൂര്‍- കോഴിക്കോട് പാതയില്‍ ട്രെയിന്‍ ഗതാഗതം ഇന്ന് പുനഃസ്ഥാപിച്ചേക്കില്ല. ചാലിയാറില്‍ വെള്ളം അപകട നിലയ്ക്ക് മുകളില്‍ ഒഴുകിയതിനാല്‍ ഫറോക്ക് പാലത്തിന്റെ ബലപരിശോധനയ്ക്ക് ശേഷമെ ഇനി ഈ പാതയില്‍ ട്രെയിന്‍ ഗതാഗതം അനുവദിക്കുകയുള്ളുവെന്ന് റെയില്‍വെ അധികൃതര്‍ പറഞ്ഞു. നാളെ രാവിലെ പാലത്തിന്റെ ബലപരിശോധന നടക്കും. ഇതിന് ശേഷം ഉച്ചയോടെ മാത്രമെ തീരുമാനമെടുക്കുകയുള്ളു. 
കനത്ത മഴയില്‍ വെള്ളം കയറിയതിനാല്‍ ചീഫ് എഞ്ചിനീയറടങ്ങുന്ന സംഘം പാതയില്‍ പരിശോധന നടത്തിയിരുന്നു. ഇതിന് ശേഷമാണ് ഫറോക്ക് പാലത്തിന്റെ ബലപരിശോധന നടത്താന്‍ തീരുമാനമായത്. ചാലിയാറില്‍ വെള്ളമുയര്‍ന്നതിനെ തുടര്‍ന്ന് പാലത്തിൽ അപകട നിലയ്ക്ക് മുകളില്‍ വെള്ളമെത്തിയിരുന്നു. ഇതിന് പുറമെ ഭാരതപ്പുഴയില്‍ വെള്ളം ഉയര്‍ന്നതിനെ തുടര്‍ന്ന് തിരുനാവായ, പള്ളിപ്പുറം സ്റ്റേഷനുകളിലും വെള്ളം കയറിയിരുന്നു. പള്ളിപ്പുറം സ്റ്റേഷനില്‍ വെള്ളമിറങ്ങിയെങ്കിലും തിരുന്നാവായയില്‍ ഇപ്പോഴും പാളത്തില്‍ നിന്ന് വെള്ളം പൂര്‍ണമായും ഇറങ്ങിയിട്ടില്ല. ഇവിടെ പാളത്തിന് പ്രശ്‌നങ്ങള്‍ വന്നിട്ടുണ്ടോയെന്നും സംശയിക്കുന്നുണ്ട്. 
കോഴിക്കോട് ഷൊര്‍ണൂര്‍ പാതയില്‍ ഒരു ലൈനില്‍ കുഴപ്പങ്ങളുണ്ടായിരുന്നില്ല. എന്നാല്‍ പാലത്തിന്റെ...
more...

ബലപരിശോധനയ്ക്ക് ശേഷം ഇതുവഴി ഗതാഗതം അനുവദിച്ചാല്‍ മതിയെന്നാണ് നിലവിലെ തീരുമാനം. തിങ്കളാഴ്ച ഉച്ചയോടെ കോഴിക്കോട്- ഷൊര്‍ണൂര്‍ പാതയിലെ ട്രെയിന്‍ ഗതാഗതത്തിന്റെ കാര്യത്തില്‍ തീരുമാനമെടുത്തേക്കും. പരിശോധനയില്‍ പ്രശ്‌നങ്ങള്‍ കണ്ടില്ലെങ്കില്‍ വേഗത കുറച്ച് ട്രെയിന്‍ കടന്നുപോകാന്‍ അനുവദിച്ചേക്കും. 110 കിലോമീറ്റര്‍ വേഗതയിലാണ് കോഴിക്കോട്- ഷൊര്‍ണൂര്‍ പാതയില്‍ ട്രെയിനുകള്‍ ഓടിക്കുന്നത്. 
നിലവില്‍ ഷൊര്‍ണൂര്‍- പാലക്കാട് പാതയില്‍ വേഗത കുറച്ചാണ് ട്രെയിനുകള്‍ ഓടുന്നത്. പ്രളയത്തെ തുടര്‍ന്ന് ഗതാഗതം പുനഃസ്ഥാപിച്ചപ്പോള്‍ 50 കിലോമീറ്റര്‍ വേഗത്തിലാണ് ട്രെയിനുകള്‍ കടന്നുപോകുന്നത്. നേരത്തെ 110 കിലോമീറ്ററായിരുന്നു ഈ പാതയിലും വേഗം അനുവദിച്ചിരുന്നത്. 
കോഴിക്കോട്- ഷൊര്‍ണൂര്‍ പാതയില്‍ ട്രെയിന്‍ ഗതാഗതം നിലച്ചിരിക്കുന്ന സാഹചര്യത്തില്‍ യാത്രക്കാര്‍ക്കായി ഒരോമണിക്കൂറുകള്‍ ഇടവിട്ട് റെയില്‍വേ സ്‌റ്റേഷനില്‍ നിന്ന് എറണാകുളത്തിന് കെ.എസ്.ആര്‍.ടി.സി ബസ് സര്‍വീസ് നടത്തുന്നുണ്ട്. ജില്ലാ കളക്ടര്‍ ഇടപെട്ടാണ് യാത്രാപ്രതിസന്ധി പരിഹരിക്കാന്‍ ഇത്തരമൊരു നടപടി സ്വീകരിച്ചത്.

Southern Railway will regulate some trains for three days from Sunday. It is in view of the work on the new road overbridge between Feroke and Kallayi Railway Stations. On Sunday, train no 22638 Mangaluru-Chennai West Coast Express will be detained at Kallayi for 74 minutes. Train No 22852 Mangaluru-Santragatchi Vivek Express will be detained at Kozhikode for 54 minutes. Train No 16604 Thiruvananthapuram-Mangaluru Maveli Express will be detained at Feroke for 19 minutes.
On Monday, train no 22638 Mangaluru-Chennai West Coast Express will be detained at Kallayi for 74 minutes. Train No 11097 Pune-Ernakulam Poorna Weekly Express will be detained at Kozhikode for 15 minutes. Train No 16604 Thiruvananthapuram-Mangaluru Maveli Express will be detained at Feroke for 19 minutes. On Tuesday,...
more...

train no 22638 Mangaluru-Chennai West Coast Express will be detained at Kallayi for 74 minutes. Train No 11098 Ernakulam-Pune Poorna Weekly Express will be detained at Feroke for 64 minutes. Train No 16604 Thiruvananthapuram-Mangaluru Maveli Express will be detained at Kadalundi for 28 minutes.

പുതുതായി വൈദ്യുതീകരിച്ച റയിൽപാത സുരക്ഷാ കമ്മിഷണർ പരിശോധിച്ചു.
കണ്ണൂർ ∙ കല്ലായി മുതൽ കാസർകോട് ജില്ലയിലെ ചെറുവത്തൂർ വരെ വൈദ്യുതീകരിച്ച റയിൽപ്പാതയിൽ റയിൽവേ സുരക്ഷാ കമ്മിഷണർ (സതേൺ സർക്കിൾ) എസ്.കെ. മിത്തൽ പരിശോധന നടത്തി. ഷൊർണൂർ– മംഗലാപുരം പാതയുടെ ഭാഗമായ കല്ലായി മുതൽ ചെറുവത്തൂർ വരെയുള്ള 140 കിലോമീറ്ററിലാണ് പരിശോധന നടന്നത്. ഒൻപതു മണിക്ക് കല്ലായിൽ നിന്ന് പുറപ്പെട്ട സംഘം ഉച്ചയ്ക്ക് 1.30 ന് കണ്ണൂർ സ്റ്റേഷനിലെത്തി. സ്റ്റേഷൻ അധികൃതരുടെ നേതൃത്വത്തിൽ സ്വീകരിച്ചു. വഴിമധ്യേ വിവിധ സ്റ്റേഷനുകളിലും വൈദ്യുതീകരണത്തിനായുള്ള 25 കെവി ട്രാക്‌ഷൻ സബ്സ്റ്റേഷൻ സ്ഥാപിച്ചിരിക്കുന്ന കണ്ണൂർ സൗത്തിലും പരിശോധന നടത്തി.
സബ്– സ്റ്റേഷനുകൾ, സ്വിച്ചിങ് പോസ്റ്റുകൾ, ലെവൽ ക്രോസിങ് പോസ്റ്റുകൾ, മേൽപ്പാലങ്ങൾ തുടങ്ങി എല്ലാ മേഖലകളും പരിശോധിച്ചു. കല്ലായിയിൽ നിന്നു ചെറുവത്തൂർ വരെ ഡീസൽ എൻജിനിലായിരുന്നു യാത്ര. പൂജയെത്തുടർന്ന് തിരികെ 4.30 ന് കല്ലായിയിലേക്ക് ഇലക്ട്രിക് എൻജിനിൽ സ്പീ‍ഡ്...
more...

‍ട്രയൽ നടത്തി. സുരക്ഷാ അനുമതി ലഭിച്ചാൽ വൈകാതെ കണ്ണൂർ വരെ ഇലക്ട്രിക് ട്രെയിൻ ഓടിക്കാനാണു റയിൽവേ ലക്ഷ്യമിടുന്നത്.
സംഘത്തിൽ ചീഫ് ഇലക്ട്രിക്കൽ എൻജിനീയർ ആർ.കെ. കുൽശ്രേഷ്ഠ, ഡിവിഷനൽ റയിൽവേ മാനേജർ ആനന്ദ് പ്രകാശ്, ചീഫ് പ്രോജക്ട് ഡയറക്ടർ കെ.വി. സത്യനാരായണ, സീനിയർ ഡിവിഷനൽ ഇലക്ട്രിക്കൽ എൻജിനീയർ (ട്രാക്‌ഷൻ, പാലക്കാട് ഡിവിഷൻ) എസ്. ജയകൃഷ്ണൻ, റയിൽവേ ഇലക്ട്രിഫിക്കേഷൻ കോഴിക്കോട് ഡപ്യൂട്ടി ചീഫ് എൻജിനീയർ ടി.സി. ജോൺസൺ, കണ്ണൂർ ഡപ്യൂട്ടി സിഇ വി.കെ. മനോഹരൻ, എക്സിക്യൂട്ടീവ് ഇലക്ട്രിക്കൽ എൻജിനീയർമാരായ കെ.എ. സജി, താമരൈ സെൽവൻ തുടങ്ങിയവരുണ്ടായിരുന്നു.