मुंबई
एक्स्प्रेसला जोडलेल्या अतिरिक्त कोचमधील तिकिटे प्रतीक्षा यादीतील प्रवाशांना दिल्यावर उरणारी सर्व तिकिटे ' तत्काळ ' साठी देण्याचा निर्णय रेल्वे बोर्डाने घेतला आहे. प्रायोगिक तत्त्वावर चालणाऱ्या या उपक्रमात सीएसटीवरून सुटणा-या १४ सर्वाधिक गर्दीच्या एक्स्प्रेसची निवड करण्यात आली आहे. हा प्रयोग यशस्वी झाल्यास इतर ठिकाणीही ही योजना राबवली जाणार आहे.
सीएसटीवरून सुटणाऱ्या सेवाग्राम , प्रगती , डेक्कन , औरंगाबाद जनशताब्दी , दादर-साईनगर शिर्डीसारख्या १४ एक्स्प्रेससाठी ही ऑन डिमांड योजना राबवली जाणार आहे. नव्या योजनेनुसार या एक्स्प्रेसलाअतिरिक्त कोच जोडण्यात येणार आहेत. यातील उपलब्ध तिकिटे प्रतीक्षा यादीतील प्रवाशांना दिल्यानंतर उर्वरित तिकिटांसाठी तत्काळ तिकिटधारकांना सर्वाधिक प्राधान्य मिळणार आहे. त्यानंतर उर्वरित प्रवाशांना ही तिकिटे दिली जाणार आहेत. मुंबई-पुणे , मुंबई-नागपूर , पुणे-नागपूर या मार्गांवरील गाड्यांचा यामध्ये समावेश आहे. ही योजना यशस्वी झाल्यास इतर ठिकाणीही चालवली जाणार आहे.
...
Read more...

तत्काळ तिकीटधारकांना दिलासा
ऐनवेळी प्रवास किंवा तिकीट आरक्षित न झालेले प्रवासी तत्काळ तिकीट काढतात. पण या योजनेतून तिकीट आरक्षित न होण्याचा अनुभव येतो. हे लक्षात घेऊन या योजनेत प्राधान्यक्रम तत्काळ तिकीटधारकांना देण्यात आला आहे. त्यांना तिकिटे दिल्यावर उरलेली तिकीट अन्य प्रवाशांना दिली जाणार आहेत.