Article Source:

విశాఖ కేంద్రంగా ‘దక్షిణ కోస్తా’ రైల్వే జోన్‌ ఏర్పాటుకు అడుగులు పడుతున్నాయి. జోన్‌ కార్యాలయ నిర్మాణానికి అవసరమైన స్థలాన్ని అప్పగించేందుకు రాష్ట్ర ప్రభుత్వం చర్యలు తీసుకుంటోంది. ఇటీవల సీఎం చంద్రబాబునాయుడు విశాఖ పర్యటనలో కీలక ప్రాజెక్టుల మీద సమీక్షించారు.

52...
more...

ఎకరాల అప్పగింత దిశగా అడుగులుఆక్రమణలు లేవని జీవీఎంసీ అధికారుల నివేదిక



ఈనాడు, విశాఖపట్నం: విశాఖ కేంద్రంగా ‘దక్షిణ కోస్తా’ రైల్వే జోన్‌ ఏర్పాటుకు అడుగులు పడుతున్నాయి. జోన్‌ కార్యాలయ నిర్మాణానికి అవసరమైన స్థలాన్ని అప్పగించేందుకు రాష్ట్ర ప్రభుత్వం చర్యలు తీసుకుంటోంది. ఇటీవల సీఎం చంద్రబాబునాయుడు విశాఖ పర్యటనలో కీలక ప్రాజెక్టుల మీద సమీక్షించారు. ఈ సందర్భంగా రైల్వే జోన్‌కు సంబంధించిన భూములు అప్పగించాలని కలెక్టర్‌ హరేంధిర ప్రసాద్‌ను ఆదేశించారు. ఆ తర్వాత ఈ ప్రక్రియ జోరందుకుంది. విశాఖ నగరంలోని చినగదిలి పరిధి ముడసర్లోవ వద్ద గతంలో రైల్వేకు కేటాయించిన భూములను జీవీఎంసీ, రైల్వే అధికారులు పరిశీలించారు. 52 ఎకరాల వాస్తవ స్థితిని పరిశీలించి.. హద్దులు నిర్ణయించి.. ఎటువంటి ఆక్రమణలు లేవని గుర్తించి జీవీఎంసీ అధికారులు నివేదిక సిద్ధం చేశారు. దీన్ని త్వరలోనే రైల్వేకు పంపించి బదిలీ ప్రక్రియ పూర్తిచేయనున్నారు.

రైల్వే అధికారులు ఆ స్థలాన్ని తీసుకునేందుకు సుముఖంగానే ఉన్నప్పటికీ వివాదాలను పూర్తిస్థాయిలో పరిష్కరించి అప్పగించాలని కోరుతున్నారు. గతంలో ఆ స్థలాన్ని కొందరు ఆక్రమించుకోగా వారందర్నీ ఖాళీ చేయించారు. అప్పట్లో రైల్వే అధికారులు దాన్ని స్వాధీనం చేసుకోడానికి వెళ్లగా వారి మీదే కేసులు పెట్టారు. వీటన్నింటినీ దృష్టిలో పెట్టుకొని పూర్తిహక్కులతో, ప్రహరీ నిర్మించి స్థలాన్ని అప్పగించాలని రైల్వే అధికారులు కోరుతున్నారు. ఈ స్థలంపై తొలుత రైల్వే కొంత విముఖత చూపింది. అయితే ప్రత్యామ్నాయ స్థలాలు విశాఖకు దూరంగా ఉండడం, జోన్‌ కార్యాలయం విశాఖకు దూరంగా ఉంటే బాగోదన్న ఉద్దేశంతో ముడసర్లోవలోనే ఏర్పాటుచేసేందుకు సిద్ధమవుతున్నారు.

#SCoR
#GNT
#VSKP
#Andhrarailinfra
#GTL
#BZA