'लोहमार्गाचाही समावेश करा’
Apr 7, 2015
म. टा. वृत्तसेवा, धुळे
धुळे जिल्ह्यातील औद्योगिक विकासाला चालना मिळावी, यासाठी धुळे-नरडाणा गुंतवणूक क्षेत्रातील नरडाणाच्या (टप्पा-३) भूसंपादनासह मनमाड- इंदूर लोहमार्गाचा दिल्ली-मुंबई इंडस्ट्रीयल कॉरिडॉरमध्ये समावेश करण्यात यावा, अशी मागणी आमदार अनिल गोटे व आमदार जयकुमार रावल यांनी मुख्यमंत्री देवेंद्र फडणवीस यांच्याकडे केली आहे. त्यासाठी दहा हजार ९१ कोटी रुपयांचा अपेक्षित खर्चाचा प्रकल्प अहवालही सादर केला आहे, अशी माहिती...
more... आमदार गोटे यांनी पत्रकार परिषदेत दिली.
या वेळी आमदार रावल, भाजपचे जिल्हाध्यक्ष अनुप अग्रवाल, हिरामण गवळी, विनोद मोराणकर, दिलीप साळुंखे, तेजस गोटे आदी उपस्थित होते. आमदार गोटे म्हणाले, की मुख्यमंत्री फडणवीस यांच्या नेतृत्वाखालील युती सरकारने राज्यातील अविकसितपणाचा अनुशेष नष्ट करण्यासह रोजगार उपलब्ध करून देण्याचा धडक कार्यक्रम हाती घेतला आहे. या कार्यक्रमात धुळे जिल्ह्याचा प्राधान्याने समावेश करावा.
जिल्ह्यात केंद्र व राज्य सरकारच्या संयुक्त विद्यमाने हाती घेण्यात येणाऱ्या दिल्ली- मुंबई इंडस्ट्रीयल कॉरिडॉर प्रकल्पात धुळे- नरडाणा गुंतवणूक क्षेत्र स्थापन करणे प्रस्तावित आहे. त्यासाठी सहा हजार हेक्टर्स म्हणजेच १५ हजार एकरी क्षेत्राच्या भूसंपादनास राज्य सरकारच्या उद्योग विभागाचे प्रधान सचिव यांच्या अध्यक्षतेखालील उच्चस्तरीय समितीने २१ ऑक्टोबर २०११ रोजी मान्यता दिली आहे. मात्र, अद्याप भूसंपादनासाठी कार्यवाही झालेली नाही.
आमदार गोटे यांनी १० हजार ९१ कोटी रुपये खर्चाचा प्रकल्प अहवाल तयार केला आहे. यात धुळे-नरडाणा १५ हजार एकर व नरडाणा येथील औद्योगिक वसाहत फेज-३ साठी १६६८ एकर अशी एकूण १६,६६८ एकर जमीन भूसंपादनासाठी अपेक्षित खर्च ३,३३४ कोटी रुपये, पायाभूत सुविधांसाठी १,६६७ कोटी रुपये, पाणीपुरवठ्यासाठी ५०० कोटी रुपये आणि ३६० कि.मी. मनमाड-इंदूर लोहमार्गासाठी ४,५०० कोटी रुपये असा अहवाल सादर करण्यात आला आहे.
#ManmadIndoreRail #मनमाडइंदूररेल्वेमार्ग मनमाड-इंदूर रेल्वेमार्ग; मनमाड; सुरेश प्रभू; रेल्वेमंत्री;
click here